На Охридскиот аеродром „Апостол Павле“ денеска ќе се реализира првиот лет од Виена до Охрид на авиокомпанијата „Austrian Airlines“ со што и овој меѓународен аеродром во земјава се поврзува со уште една европска престолнина.
По повод пристигнувањето на првиот лет од Виена до Охрид најавена е прес-конференција на Охридскиот аеродром на која ќе се обратат генералниот директор на ТАВ Македонија, Неџат Курт, како и Матијас Хуменбергер, заменик шеф на Мисијата во Австриската амбасада во Скопје и Штефан Линхарт, виш директор за продажба за Централна и Источна Европа, Израел и Турција во групацијата „Луфтханза“.
Новата авиолинија ќе им овозможи на патниците полесен пристап до Виена, но и до други светски дестинации преку широката мрежа на групацијата „Луфтханза“.
Од аеродромските власти очекуваат дека директната врска ќе придонесе за зголемување на бројот на посетители, подобрување на туристичката понуда и дополнително поврзување на Охрид со меѓународните пазари.
Воведувањето на летот е уште еден чекор кон проширување на авиосообраќајот од Охрид и создавање нови можности за патниците од Македонија и регионот.
ИЗДВОЕНИ
Спектакуларната „Кармина Бурана“ по Софија и Солун, одекна и во Скопје (ФОТО)
Фотелјите на маса – ВМРО-ДПМНЕ, Вреди и ЗНАМ ги почнаа разговорите: Со ехото „заминете ако сте уморни“, се отвораат картите – има ли асови во ракав?
ЗИКА ВИРУСОТ ПРИСТИГНА ВО МАКЕДОНИЈА – го донел турист кој летувал на Малдивите
Нема кој да меси леб, да лепи плочки, да варосува, да поправа чешми…
