Од 15 октомври официјално започнува грејната сезона 2026/2027 година за потрошувачите приклучени на системот за централно греење во Скопје, со кој управува АД ЕСМ. Согласно регулативата, грејната сезона може да започне и порано, во периодот од 1 до 15 октомври, доколку прогнозата за средната надворешна температура за наредниот ден изнесува 12 степени Целзиусови или пониско. Одлуката се носи врз основа на податоците од Управата за хидрометеоролошки работи.
До 15 октомври, ЕСМ Снабдување секојдневно ќе информира дали се исполнети условите за испорака на топлинска енергија, согласно одлуките на Регулаторната комисија за енергетика и водни услуги и прогнозите за средната дневна температура. Од ЕСМ ги повикуваат потрошувачите навремено да ги завршат сите потребни поправки на внатрешните грејни инсталации, бидејќи нивното одржување е обврска на корисниците. Завршените интервенции треба веднаш да се пријават во Центарот за грижа на потрошувачи.
За непречено функционирање на системот потребно е да се обезбеди пристап до топлинските потстаници, како и редовно електрично напојување. Од заедниците на сопственици се бара навремено да ги подмират сметките за електрична енергија и да проверат дали инсталациите се функционални. За информации, пријава на дефекти и известување за завршени интервенции, граѓаните можат да се обратат на телефоните 02 3076 200 и 075 400 100, како и на службите на ЕСМ Енергетика на 02 3104 816 и 02 3104 872.
ИЗДВОЕНИ
Археолозите открија богат војнички гроб со злато и со оружје од 6. век пр.н.е. кај струшкото село Корошишта
Средба во Софија ќе има, ама ќе има ли пробив за Македонија?!
Се отвори Пандорината кутија, нема ДНК-доказ дека останките се на цар Самуил!
Се нижат згради, становите зјаат празни – кој трие раце?
