Новиот врховен лидер на Иран, Моџтаба Хамнеи, е „безбеден“ и здрав, објави синот на иранскиот претседател Масуд Пезешкијан, додека се шират вестите за неговата повреда.
Јусеф Пезешкијан напиша во Телеграф дека „слушнал извештаи“ дека врховниот лидер е повреден, објави Би-Би-Си.
„Прашав неколку пријатели кои имале релевантни контакти и тие рекоа, фала му на Бога, тој е безбеден и здрав“, рече Јусеф Пезешкијан.
Изјавите дојдоа во време на шпекулации за здравјето и местото каде што се наоѓа Хамнеи, кој не е виден во јавноста откако беше избран да го наследи својот татко, ајатолахот Али Хамнеи, пред три дена.
Според „Њујорк тајмс“, помладиот Хамнеи бил повреден на почетокот на американско-израелските напади врз Иран, а весникот цитираше тројца ирански и двајца израелски функционери кои не сакаа да бидат именувани, објави „Гардијан“.
Би-Би-Си претходно објави дека Хамнеи не дал никакви изјави ниту се појавил во јавноста од неговото назначување.
Врховниот лидер на Иран, ајатолахот Али Хамнеи, беше убиен на првиот ден од нападите на САД и Израел врз Иран, на 28 февруари.
ИЗДВОЕНИ
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
ДОНИРАЊЕТО НА ОРГАНИТЕ ПОВТОРНО СПАСУВА ЖИВОТИ: Во градите на 52-годишен пациент чука ново срце, младич доби бубрег
Ќе се извалка ли образот на експотпретседателот на СДСМ со чистењето од 300 илјади евра?
