Американскиот Стејт департмент трајно ќе воведе програма според која граѓаните на 50 земји може да бидат обврзани да платат готовинска гаранција до 20.000 долари при аплицирање за деловни или туристички визи.
Новото правило се однесува на визите Б-1 и Б-2, наменети за привремени деловни и туристички патувања, а ќе стапи во сила на 3 август, кога се очекува да биде објавено во Официјалниот регистар на САД.
Износот на гаранцијата ќе го одредуваат конзуларните службеници врз основа на околностите во секој поединечен случај. Предвидени се износи од 10.000, 15.000 или 20.000 долари. Во претходната пилот-програма најнискиот износ изнесуваше 5.000 долари, објавува „Ројтерс“.
Гаранцијата ќе биде вратена доколку лицето ги напушти Соединетите Американски Држави во дозволениот рок, не ја искористи визата пред нејзиното истекување или му биде одбиен влез во земјата. Во случај на пречекорување на дозволениот престој, средствата може да бидат задржани.
ИЗДВОЕНИ
Сиљановска Давкова: Државата јакнее преку националното помирување, да ги надминеме поделбите и да зборуваме во еден глас за прашањата од национален интерес
Мицкоски: Сме победувале секогаш кога сме биле обединети околу голема цел, има работи кои се поголеми од секоја партија, функција, сечиј мандат
МАКЕДОНСКИТЕ РЕВОЛУЦИОНЕРИ, НА ПАТОТ ДО ИЛИНДЕНСКОТО ВОСТАНИЕ, НЕ ВОЈУВАЛЕ САМО СО ОРУЖЈЕ: И со тајните шифри на ВМРО и на Гоце Делчев се испишуваше патот кон слободна татковина
Од Крушево до Прохор Пчински – Македонија ги одбележува двата Илиндена, најзначајни настани за македонската државност
