Општина Ѓорче Петров обезбеди 30 нови персонални компјутери за основното училиште „Мирче Ацев“, со што се подобруваат условите за изведување на наставата по информатика и се овозможува секој ученик да работи на сопствен компјутер, во рамките на информатичкиот кабинет.
Од локалната самоуправа велат дека станува збор за активност насочена кон унапредување на условите за настава и подобрување на пристапот до дигитални технологии за учениците.
Градоначалникот на Општина Ѓорче Петров, Александар Стојкоски, посочи дека Општината продолжува со инвестициите во образованието и со создавањето современи услови за учење.
– Нашата цел е учениците да имаат подобри услови за настава и можност да стекнуваат знаења и вештини што ќе им бидат потребни понатаму – изјави Стојкоски.
Од Општината информираат дека до крајот на годинава, сите основни училишта во Општина Ѓорче Петров ќе добијат современи кабинети по информатика, како дел од континуираните активности за подобрување на образовната инфраструктура.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
