По бројните кавери и препеани хитови со кои го привлече вниманието на публиката, симпатичен и талентиран кумановец, пејачот Никола Милосковски конечно го направи својот прв но, најсериозен чекор во кариерата. Преку својот YouTube канал, тој пред некој ден ја промовираше својата прва песна – емотивната љубовна балада „Стари мој“, проследена со впечатлив видеоспот.
Станува збор за песна која уште на прво слушање плени со својата мелодичност. „Стари мој“ носи силна емоција и лесно допира до секој што знае да ја си ја почитува вистинската љубов. Ова е композиција во која многумина ќе се пронајдат – особено оние кои сакаат најискрено, без резервни емоции.
Песната е резултат на соработка со Емел Франца, кој стои зад музиката и текстот, додека аранжманот го потпишува Кристијан Јовановиќ. Зад видео спотот стои Алек Тасевски, кој визуелно ја доловува емоцијата што ја носи самата песна. Спотот е снимен на повеќе локации во Скопје. Интересно е што токму каверите што Никола ги објавувал на интернет биле клучни за оваа соработка. Неговите изведби стигнале до вистинските луѓе во вистинско време, по што Емел Франца му ја испратил песната.
„На второ, трето, четврто слушање само си потврдив дека тоа е тоа“, вели Никола, објаснувајќи ја својата поврзаност со композицијата. (Д.М.)
ИЗДВОЕНИ
КОЛУМНА, ЗВОНКО ДАВИДОВИЌ: Судството како партиски реверс и обвинителството како немо сведоштво
Кандидатите за членство во Унијата ќе се доближуваат преку системот на „градежни блокови“: Макрон и Мицкоски на маса – Европа со нова понуда за Балканот
Агенциите бараат доплата по 20 евра од патник поради поскапите авионски карти
Факултетот за арт и дизајн – 20 години посветеност, знаење, визија и слободно креативно изразување!
