Од речиси сите делови на Сплит пристигнуваат драматични снимки по обилните врнежи од дожд. Патиштата се претворија во буици, некои автомобили останаа заробени во водата, а особено неверојатна глетка беше забележана на крстосницата кај сплитскиот пазар на отворено („Пазар“).
Една од најдраматичните сцени е забележана околу 9:35 часот на улицата „Пољичка“, во близина на Бискупската палата, пренесува „Слободна Далмација“.
Фармацевтка од блиската аптека „Бачвице“ од прва рака видела како водата избива низ асфалтот.
„Некаде околу 9:35 часот, од асфалтот на улицата ‘Пољичка’ почна да избива гејзер. Никогаш во животот не сум видела такво нешто. Огромно количество вода – ни кажаа дека притисокот го исфрлил капакот од шахтата – почна силно да извира од отворот“, раскажа таа.
„За миг се создаде езеро“
За многу кратко време, водата ја поплави околината.
„Сè се поплави за миг; се создаде езеро, а минувањето низ тој дел од градот стана целосно невозможно“, опиша сведокот.
Капакот од шахтата набрзо беше вратен на местото, по што ситуацијата се смири и сообраќајот продолжи. „Навистина беше нешто што го видов првпат во животот“, додаде таа.
ИЗДВОЕНИ
17.500 евра за да „помине“ јавна набавка: Приведен помошник-директор во Царина
БУРНО МЕЃУ ВЛАСТА И ОПОЗИЦИЈАТА ВО МАКЕДОНСКОТО СОБРАНИЕ: Расправиите за талогот ги заматија и пратеничките прашања
Пресудата падна, правдата во чекална – „Ласкарци“ се враќа во судските лавиринти!
Пиперката во соседството се откупува за едно евро, кај нас за мизерни 15 денари
