Членките на НАТО дискутираат за наоѓање на најдобар начин за повторно отворање на Ормутскиот теснец, стратешки важен воден пат блокиран од Иран по нападите на САД и Израел, потврди денес генералниот секретар на алијансата, пренесе „Хина“.
„Секако, сите се согласуваме дека теснецот мора да биде повторно отворен. А она што го знам е дека сојузниците соработуваат и дискутираат како да продолжат, најдобриот начин да го постигнат тоа“, рече Марк Руте, кој беше во северна Норвешка каде што се одржува вежбата „Студен одговор“.
Веќе неколку дена, американскиот претседател ги критикува главните сојузници на Вашингтон во НАТО, вклучувајќи ги Франција и Обединетото Кралство, за одбивањето да им помогнат на САД да го отворат Ормускиот теснец. Овој тесен воден пат е многу важен бидејќи речиси 20 проценти од светската сурова нафта и течен природен гас (LNG) минувале низ него пред војната.
Речиси целосната парализа на стратешки важниот Ормуски теснец влијаеше на наглиот пораст на цените на нафтата во последните две недели.
Во понеделникот, Доналд Трамп побара помош од големите светски сили за да се обезбеди безбедноста на теснецот. Вчера, тој го нарече одговорот на голем број земји од НАТО, нивното одбивање да им помогнат на Соединетите Американски Држави, „многу глупава грешка“, тврдејќи дека нивната помош на крајот била непотребна.
Во меѓувреме, американската војска ги нападна иранските ракетни локации во близина на Ормутскиот теснец со бомби што уништуваат бункери.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
