Нападнатиот турски танкер кај Босфор превезувал 140.000 тони руска нафта/ФОТО

Турскиот танкер за сурова нафта „Алтура“, кој исплови од Русија со 140.000 тони нафта, беше нападнат од дрон и беспилотно летало во Црното Море, на околу 24 километри од Босфорот, објавува „Турки тудеј“.

Бродот, во сопственост на компанијата Пергамон Денизчилик со седиште во Истанбул, исплови од руското пристаниште Новоросијск, а нападот се случил околу 00:30 часот. Танкерот претрпел штета на палубата и машинската просторија, а наводно во бродот влегла вода.

Екипажот испратил повик за помош, по што блискиот брод „Ердек“ дошол на помош, додека бродовите 2Rescue 11“, „Rescue 12“ и глисерот „Kıyı Emniyeti 5“, организирани од Турската крајбрежна стража, исто така биле испратени на местото на настанот.

#BREAKING The Turkish tanker M/T Altura, carrying about a million barrels of crude oil from Russia, was attacked by a drone 15 nautical miles from the Bosphorus Strait in the Black Sea. An explosion caused water to flood the engine room, but no injuries were reported.

The GUR… https://t.co/I3Zjrbntz4 pic.twitter.com/PXiwzmPWmJ

— Prime (@nucleusprime) March 26, 2026

Според достапните информации, нема повредени меѓу членовите на екипажот.

Танкерот „Алтура“ претходно пловел под други имиња и променил неколку сопственици – од флотата на Бешикташ, преку панамската компанија Kayseri Shipping, до сегашниот сопственик од Истанбул. Бродот оттогаш е вклучен на списокот на санкции на Европската Унија, како и на Швајцарија, Украина и Обединетото Кралство, и е означен како дел од таканаречената „флота во сенка“.

Според медиумските извештаи, компанијата што претходно управувала со бродот е поврзана со Мохамед Хосеин Шамкани, син на Али Шамкани, поранешен висок ирански функционер.

Официјалните власти сè уште не потврдиле дали инцидентот се смета за намерен напад.