За време на обиколката на Белата куќа во Вашингтон, американскиот претседател Доналд Трамп му покажа на кинескиот претседател Шји Ѓинпинг врамена фотографија од „автопен“ (машина за автоматско потпишување) – изложена на местото на портретот на поранешниот американски претседател Џо Бајден – што предизвика смеа кај Шји во еден редок момент на опуштеност за време на неговата прва државна посета на САД по повеќе од една деценија.
Белата куќа објави снимка на социјалните мрежи на која се гледа како Трамп го води Шји низ зградата и застанува кај таканаречената „Претседателска патека на славните“, каде што се изложени портрети и плочи посветени на американските претседатели, пренесува „Саут Чајна морнинг пост“ (SCMP).
„Ова е ’автопен‘ – или подобро кажано, Бајден“, рече Трамп, покажувајќи кон сликата, на што Шји гласно се насмеа.
.@POTUS shows President Xi the Biden Autopen photo 🤣 pic.twitter.com/L0PbjQe2Aj
— Margo Martin (@MargoMartin47) September 24, 2026
Иако на снимката не се слушаат сите зборови на Трамп, очигледно е дека тој упатил саркастична забелешка за тоа како Бајден користел „автопен“. Трамп во минатото честопати го критикуваше својот претходник поради оваа практика.
ИЗДВОЕНИ
Игор Ивановски, Андреј Петров и поранешните функционери на СДСМ тргнуваат во војна за смена на лидерот: Венко Филипче е некомпетентен
Граѓаните плаќаат 3.000 евра за квадрат, а добиваат стан со влага, мувла, без вентилација….
Македонскиот минималец точи 250 литри дизел, словенечкиот двојно повеќе
Нема лекарска грешка кај родилката од Струмица, причината најверојатно е спонтано крварење
