Најновиот скандал ја прелеа чашата: Тајгер Вудс оди на лекување!

Американскиот голфер Тајгер Вудс (50) изјави дека „ќе се повлече од јавноста одреден период за да добие третман и да се фокусира на своето здравје“ откако беше уапсен за сообраќајна несреќа на Флорида.

Своевремено најбогатиот спортист, победник на 15 големи турнири, е обвинет за возење под дејство на опијати или други супстанции откако се судри со камион минатата недела. Вудс, преку своите адвокати, се изјасни за невин пред судот.

Во полицискиот извештај се вели дека кај него биле пронајдени две хидрокодон таблети, опиоид што се користи за лекување на силна болка, и дека полицајците го забележале како се однесува „летаргично“, со обилно потење и значително проширени зеници. Вудс изјави во објава на социјалните мрежи дека ја разбира сериозноста на ситуацијата и се повлекува од јавноста за да се фокусира на своето лекување и закрепнување.

• Правам пауза одреден период за да добијам третман и да се фокусирам на моето здравје. Ова е неопходно за да можам да работам на трајно закрепнување, истакна Вудс.

Тој додаде дека сака да се врати „поздрав, посилен и пофокусиран“ и побара од јавноста да ја почитува неговата приватност. Ова е најновиот во низата инциденти во животот на познатиот голфер, кој во 2017 година беше осуден на условна казна за несовесно возење, а во 2021 година преживеа тешка сообраќајна несреќа, по која имаше повеќе операции.