Хрватските граѓани кои наполнуваат 18 години оваа година добиваат покани на своите домашни адреси да се пријават во регионалната канцеларија за одбрана за да бидат вклучени во воениот регистар, иако измените на Законот за одбрана сè уште не се усвоени.
Поканите им ги испраќа Министерството за одбрана, кое на тој начин се подготвува за спроведување на најавената двомесечна задолжителна воена обука.
Обуката, како што потврдија за загрепски „Јутарњи лист“ од Министерството за одбрана, треба да биде пропишана со претстојните измени на Законот за одбрана, кои Владата ќе ги објави на јавна расправа во јуни. Гласањето за изменетиот закон во Парламентот е најавено за на есен.
Младите момчиња, кои најчесто сè уште се во средно училиште, добиваат покани да се пријават за воена регистрација на свое име, без оглед на тоа дали наполниле 18 години во првите месеци од оваа година или ќе наполнат 18 години дури до крајот на годината.
Сепак, повиците, пишува „Јутарњи“, ги вознемирија некои родители.
ИЗДВОЕНИ
Идниот гувернер на Народната банка ќе се избира на пленарна седница закажана на 28 мај
Комисијата за заразни болести препорача самоизолација и здравствен надзор за двајцата заболени од мајмунски сипаници
Galaxy Z Flip6 и докажаната креативност преку преклопниот дизајн
Ќе заседава Комисијата за заразни болести: Двата случаи со мајмунски сипаници во Македонија не се поврзани, двајцата не патувале надвор од државава
