Момчето кое го изврши масакрот во Белград oд психијатриската болница донесено во суд: Сведочи против родителите

Во зградата на Специјалниот суд во Белград денеска беше доведен К.К., малолетникот кој на 3 мај 2023 година уби девет врсници и чуварот на училиштето во основното училиште „Владислав Рибникар“.

Тој треба да биде испрашан денес на судењето на неговите родители Милјана и Владимир Кецмановиќ.

Малолетникот беше донесен од здравствената установа каде што се наоѓа речиси три години, најверојатно со возило на брза помош, додека пред и зад него имаше неколку полициски автомобили.

Ова е негово трето сведочење, бидејќи беше испрашуван во истрагата и во текот на претходната постапка. За време на повторената постапка, обвинетиот Кецмановиќ ја презентираше својата одбрана, а беа сослушани и оштетената страна, односно членовите на семејството на убиените и ранетите.

Милјана Кецмановиќ, мајка на момчето К. К., кој на 3 мај 2023 година уби девет врсници и чувар на училиштето во основното училиште „Владислав Рибникар“, пристигна во зградата на Специјалниот суд во Белград, каде што денеска и се суди неа и на нејзиниот сопруг.

Таа дојде во придружба на нејзините адвокати, додека жртвите, односно членовите на семејствата на убиените и ранетите, пристигнаа во придружба на нивните адвокати.

Околу 8 часот утрово, малолетниот сторител на масовното убиство беше донесен во судот од болницата каде што се наоѓа речиси три години.

Неговиот татко треба да биде донесен од притворниот центар каде што се наоѓа од неговото апсење минатата година.

Семејствата на убиените, исто така, пристигнаа во судот, во придружба на адвокати.