Општина Центар ги почна градежните активности за реконструкција на дел од улицата „8 Март“ во Дебар Маало, со која е предвидено формирање мини плоштад со површина од околу 140 квадратни метри. Новото урбано катче ќе биде поплочено со травертин, материјал што обезбедува висок квалитет, издржливост и современ естетски изглед.
На локацијата е предвидено поставување урбана опрема, современо осветлување и ново зеленило. На влезната точка што води кон уличката, ќе биде изведена и пристапна рампа, со што ќе се овозможи непречено и безбедно движење за лицата со попреченост, како и за сите граѓани што користат помагала за движење.
– Во план е да има повеќе мини паркови и плоштади низ Општината. Целта е да го зголемиме зеленилото и да создадеме пријатни катчиња за одмор и рекреација – истакна градоначалникот на Општина Центар, Горан Герасимовски.
Тој најави дека по уредувањето на улицата „8 Март“, се планираат мини маалски плоштади на улиците „Коста Веселинов“, „Коле Неделковски“ и „Христо Смирненски“.
Паралелно со овој проект, Општина Центар продолжува и со хортикултурното уредување на потегот од Зеленото пазарче до улицата „Македонија“ и со реконструкцијата на вториот дел од улицата „Ленинова“ и улицата „Мирослав Крлежа“.
ИЗДВОЕНИ
Секој ден по две повреди на работното место, градежништвото останува најсмртоносно
Инспекторите им дишат во врат, Мицкоски им се закани со казни, ќе ги намалат ли цените маркетите?
Дизелот ќe поевтини за 7 денари, бензините до 4 денари по литар – Македонија со најевтини горива од соседите
„Изговори не прифаќам“ им порача Мицкоски на маркетите – намалете ги цените или ќе реагира Владата
