Седумдесет и седумгодишен маж од велешкото село Мамутчево загинал откако бил удрен од автомобил на автопатот Градско–Велес, кај местото викано „Штипска клучка“.
Несреќата била пријавена вчера околу 5:30 часот. Според информациите од МВР, патничко возило удрило во пешакот С.М. (77), по што возачот не застанал, туку го напуштил местото на несреќата.
Од здобиените повреди мажот починал на самото место, а смрт констатирал лекар. По наредба на јавен обвинител, телото е предадено на Судска медицина за обдукција.
Полицијата работи на расчистување на случајот и на пронаоѓање на возачот и возилото што учествувале во несреќата.
Случајот го потврди и министерот за внатрешни работи Панче Тошковски, кој при гостување на Канал 5 изјави дека на автопат бил пронајден прегазен човек кој починал на местото.
