Црвенокосите произведуваат доволно витамин Д дури и со ограничена изложеност на сончева светлина и не страдаат од недостаток на оваа супстанца, според неодамнешна студија на руски експерти објавена пред Меѓународниот ден на црвенокосите, кој се одбележува на 6 септември.
Како што е наведено, светлата кожа карактеристична за црвенокосите содржи помалку меланин.
„Црвенокосите можат да произведат доволно количини на витамин Д дури и без сончева светлина. Овие лица природно имаат повисоки нивоа на прекурсори на витамин Д во крвта – супстанции произведени во црниот дроб и складирани како резерви за да се претворат во активна форма кога е потребно“, објасни Валери Литвинов, виш истражувач на Одделот за хемија и биотехнологија на Пермскиот национален истражувачки политехнички универзитет.
Тој додаде дека ова значи дека нивните нивоа на витамин Д не се засегнати од изложеноста на сонце, за разлика од случајот со луѓето со други бои на коса.
Без него, поголемо количество ултравиолетово зрачење може полесно да навлезе во кожата и да го поттикне создавањето на овој витамин.
„Поради тоа, научниците сметаат дека црвената коса и светлата кожа можеби се утврдиле преку еволуцијата како адаптација на условите со слаба сончева активност во Северна и Централна Европа“, објаснил руски експерт, како што пренесува „Тас“.
Според него, луѓето со црвена коса имаат и понизок праг на болка, поради што потешко ги поднесуваат топлината, модринките, скршениците и стоматолошките зафати.
