Шеесет и петгодишен маж се здобил со тешки повреди откако бил избоден во вратот за време на состанок во подрумот на црква.
Полицијата соопшти дека 65-годишен маж се здобил со тешки повреди откако бил избоден во вратот за време на состанок во подрумот на црква во округот Сафолк, на Лонг Ајленд.
За нападот се сомничи 33-годишен маж од Беј Шор. Според полицијата, инцидентот се случил во петокот околу 20:30 часот по локално време, во подрумот на Првата обединета методистичка црква во Амитивил.
Наводно дошло до конфликт меѓу двајцата мажи, при што осомничениот го избодел 65-годишникот во вратот, а потоа побегнал од местото на настанот.
Полицијата веднаш започнала потрага, а осомничениот бил пронајден и уапсен кратко по 22:20 часот истата вечер. Повредениот маж бил пренесен во локална болница со тешки повреди.
Во саботата, осомничениот бил изведен од полициската станица со лисици на рацете и изведен пред судот во округот Сафолк, каде што бил обвинет за напад од прв степен.
Судијката Мери Кејт Мулен одредила кауција од 150.000 долари во готовина или гаранција од 300.000 долари.
Полицијата сè уште не ја открила причината за конфликтот што му претходел на нападот. Исто така, не е познато каков вид собир се одржувал во црквата, која, според информациите, е место за состаноци на разни локални групи и заедници.
Осомничениот треба повторно да се појави пред судот во четврток.
