Франција се соочува со закана од руски хибридни напади во изминатите неколку недели, изјави во петокот францускиот претседател Емануел Макрон, пренесува „Франс 24“.
„Во последните недели, заканата – а особено руската хибридна закана со која се соочуваат Европејците и Франција – се засили“, им рече Макрон на новинарите по состанокот во Париз со лидерите на политичките партии, на кој се разговараше за најновите меѓународни случувања.
Макрон изјави дека наредил преземање мерки за заштита на француската критична инфраструктура и објектите на одбранбената индустрија од „руски хибридни напади“, додавајќи дека заканата од Москва ескалирала во последните недели.
