Францускиот претседател Емануел Макрон му рече на украинскиот претседател Володимир Зеленски дека неговиот разговор со американскиот претседател Доналд Трамп претходниот ден бил тежок, во време кога Украина и кризата на Блискиот Исток беа меѓу главните теми на самитот на Г7 во Франција.
„Вчера имавме тежок разговор со претседателот Трамп“, рече Макрон во разговор со Зеленски, кој беше снимен од телевизиските камери. Според извештаите од самитот, францускиот претседател се обидел да го информира украинскиот лидер за текот на разговорите со шефот на Белата куќа и атмосферата во западниот блок.
Ден претходно, Макрон и Трамп одржаа билатерална средба на маргините на самитот. Фокусот на разговорот беше војната во Украина, можностите за мировниот процес, но и влошувањето на ситуацијата на Блискиот Исток. Францускиот претседател најави дека ќе се обиде да го убеди Трамп да продолжи да го поддржува Киев и да го зголеми притисокот врз Москва за постигнување договор.
