Премиерот на Унгарија, Петер Маѓар, предлага шаховската велемајсторка Јудит Полгар да ја преземе функцијата претседател на државата. Најавата ја објави на социјалните мрежи, истакнувајќи дека би му претставувало голема чест доколку Полгар ја прифати кандидатурата.
Во својата објава, Маѓар оцени дека Јудит Полгар со децении претставува симбол на талент, истрајност и интегритет и дека Унгарија има потреба од личност која ќе биде фактор на единство и ќе ужива доверба кај граѓаните.
Најавата доаѓа по уставните измени со кои заврши мандатот на досегашниот претседател Тамаш Шујок. Јудит Полгар важи за најуспешната шахистка во историјата. Таа 26 години беше неприкосновена на врвот на светската женска ранг-листа, а се најде и меѓу десетте најдобри шахисти во светот во апсолутна конкуренција.
Полгар е петкратна олимписка шампионка, меѓународен велемајстор и добитничка на највисокото унгарско државно одликување – орденот „Свети Стефан“. Нејзината животна приказна неодамна беше претставена и во документарниот филм „Кралица на шахот“.
ИЗДВОЕНИ
Водата во Гостивар била многу загадена со колиформни бактерии
Нови цени на горивата од полноќ: Бензините поскапуваат за три, дизелот за шест денари
Забележано е почетно намалување на бројот на новoпрегледани пациенти во Гостивар, активно се следи состојбата на терен, информираат од МЗ
НАЈДОБРИТЕ СРЕДНОШКОЛЦИ ШТО ОДНОВО ДОНЕСОА ГРСТ МЕДАЛИ ОД ПРЕСТИЖНИТЕ НАТПРЕВАРИ, ПРЕД ДИЛЕМИ: Странските универзитети во трка за најталентираните ученици, Македонија мора да најде начин да им покаже колку смета на нив
