Рускиот министер за надворешни работи Сергеј Лавров изјави дека лидерот на киевскиот режим, Володимир Зеленски, е „добар комичар“, но дека се обидува да „одглуми трагедија“.
„Тоа му е професија од самиот почеток. Тој е добар комичар, но се обидува да одглуми трагедија. Меѓутоа, во историјата често се случува спротивното – трагедијата се претвора во фарса“, рече Лавров во интервју со Павел Зарубин за агенцијата Вести.
Тој ги коментираше, како што рече, одлуките на киевските власти во врска со Русија и одржувањето на воени и државни прослави во Москва.
Рускиот претседателски помошник Јуриј Ушаков претходно ги нарече овие потези „циркуска фарса“, додавајќи дека „се срами воопшто да ги коментира“.
Лавров во истото интервју зборуваше и за ситуацијата во Европа, наведувајќи дека во некои земји, како што тврди, „се оживува нацизмот“.
„Нацизмот се оживува. Тој активно и идеолошки се всадува во јавното мислење“, рече Лавров, додавајќи дека некои европски земји „отворено го поддржуваат таков режим“.
Според него, „Европа го промовира тоа, нема сомнение за тоа“.
ИЗДВОЕНИ
ДВЕ ГОДИНИ ОД ВЛАДАТА НА ПРЕМИЕРОТ ХРИСТИЈАН МИЦКОСКИ, АНАЛИТИЧАРИТЕ ОЦЕНУВААТ: Половина мандат, половични оцени – најсериозните предизвици остануваат
Секој ден по две повреди на работното место, градежништвото останува најсмртоносно
Инспекторите им дишат во врат, Мицкоски им се закани со казни, ќе ги намалат ли цените маркетите?
Дизелот ќe поевтини за 7 денари, бензините до 4 денари по литар – Македонија со најевтини горива од соседите
