Поранешниот шампион во Мото ГП, Фабио Квартараро, доби казна од 16 секунди по трката за Големата награда на Велика Британија во Силверстон. Поради технички прекршок поврзан со сензорот за притисок во предната гума, тој го загуби 12. место, кое беше најдобар пласман на возач на Јамаха.
Стјуардите утврдија дека не бил правилно конфигуриран приемникот на неговиот мотор за да ги прима податоците од сензорот. Бидејќи системот не евидентирал податоци за притисокот во предната гума, Квартараро ја доби истата казна како возачите што не ги исполнуваат минималните барања за притисок. Така, на неговото време му беа додадени 16 секунди.
Тој падна на 16. и последното место, што значи дека од Силверстон заминува без ниту еден освоен бод. Сигурно ќе жали за пропуштената можност, особено поради тоа што минатата година, на таа патека, се повлече додека беше во водство.
ИЗДВОЕНИ
Македонија стиска палци за Никола Ѓуретановиќ – ќе се бори со европската елита!
Возачите чекаат решение на 1 септември во Брисел – ако нема договор, ќе следуваат протести
Колони на границите, гужви на патарините – повеќе М-тагови за помалку чекање
Не расте бројот на случаите, туку бруталноста: околу 50 пријави за врсничко насилство годишно
