Електроенергетската мрежа на Куба денес доживеа целосен колапс, соопшти Министерството за енергетика на земјата, оставајќи околу девет милиони жители без електрична енергија.
Електроенергетскиот систем на Куба долго време се соочува со сериозни проблеми поради недостиг на гориво, застарена инфраструктура и ограничувања во снабдувањето со нафта, пренесува „Ројтерс“.
Дури и кога националната електроенергетска мрежа е во функција, Куба често се соочува со повторливи прекини во снабдувањето со електрична енергија кои траат со часови и погодуваат милиони жители.
Министерството за енергетика не објави веднаш детали за причината за најновиот целосен колапс на мрежата, ниту пак кога се очекува нормализирање на снабдувањето со електрична енергија, пренесе „Танјуг“.
