Наставничка е убиена, а две други лица беа повредени откако ученик ги нападна со остар предмет во основно училиште во Сташков, во северна Словачка. Полицијата моментално ги истражува околностите на овој насилен инцидент во областа Чадца.
Службите за итни случаи испратија две возила на брза помош и два хеликоптери за спасување на местото на настанот, според телевизијата JOJ, но наставничката им подлегнала на повредите на самото место.
Петра Климешова, портпарол на Оперативниот центар на службата за итна медицинска помош, изјави дека тимови за воздушно спасување превезле дете во критична состојба во болницата во Мартин, додека 44-годишен пациент со убодна рана во градите бил пренесен со хеликоптер во болницата во Жилина.
Климешова потврди дека 61-годишна жена се здобила со смртоносни повреди, што значи дека медицинскиот персонал не успеал да ѝ го спаси животот.
Словачката полиција започна истрага за нападот, а околностите под кои ученикот ги нападнал жртвите, како и мотивот за злосторството, засега остануваат непознати.
ИЗДВОЕНИ
ДЗР: Жените се мнозинство меѓу вработените во јавниот сектор, но не и на позициите на кои се носат одлуките
Овците умираат, субвенциите за кравите доцнат, пиперките и грозјето скапуваат
Сиљановска-Давкова на 22. Европски самит во Салцбург: Проширувањето е тест за стратешкиот капацитет на Европската Унија
ГОЛЕМА АКЦИЈА НА МВР И АНБ ВО СКОПЈЕ: Приведени повеќе лица поради сомнение за тероризам
