Кристијан Хорнер: Ова веќе не е нормално!

Шефот на Ред бул, Кристијан Хорнер, ја повика ФИА да го намали бројот на регулативи што го регулираат начинот на кој може да се натпреваруваат возачите во Формула 1.

Тимскиот шеф на Ред бул верува дека трките стануваат доста неприродни и дека им е потребно „ресетирање“ откако беше вмешан Макс Верстапен во два контроверзни инцидента со двајцата возачи на Мекларен, во последните недели.

На Големата награда на Саудиска Арабија, Холанѓанецот доби казна од пет секунди од стјуардите откако беше утврдено дека излегол од патеката, со што доби трајна предност во битката со Оскар Пјастри. Две недели подоцна, во Мајами, официјалните лица одлучија да не го истражуваат неговиот судир во првата рунда со Ландо Норис.

• Не знам, но сметам дека ова веќе не е нормално натпреварување. Се чини дека сме премногу регулирани во битката тркало-на тркало, бидејќи возат на различни линии. И не сум сигурен дали треба – порача Хорнер.