Портпаролот на Кремљ, Дмитриј Песков, денес изјави дека Русија е подготвена за прагматичен дијалог со Унгарија и оцени дека подготвеноста е взаемна.
„Засега, со задоволство можеме да забележиме, доколку разбираме, подготвеност за прагматичен дијалог. Во овој случај, имаме взаемна подготвеност“, рече Песков, пренесува агенцијата РИА Новости.
Агенцијата потсетува дека Петер Маѓар, лидер на партијата Тиса, која победи на унгарските избори во неделата, изјавил дека ќе одговори доколку рускиот претседател Владимир Путин го повика, но дека нема намера прв да го побара.
Песков денес изјави дека, сепак, мора да се почекаат првите конкретни чекори на новата унгарска влада.
„По победата на изборите, г-дин Маѓар даде бројни изјави и одржа бројни прес-конференции. Да почекаме да се формира нова влада во Унгарија. Да ги почекаме првите конкретни чекори. А потоа ќе се водиме од конкретните чекори на новата унгарска влада“, рече Песков.
На парламентарните избори одржани во неделата во Унгарија, победата ја извојува партијата Тиса, победувајќи ја партијата Фидес на премиерот Виктор Орбан.
Според прелиминарните резултати, Тиса освои 138 од 199 места во парламентот, додека партијата Фидес освои 54 места.
ИЗДВОЕНИ
Поранешниот претседател на ФФМ, Муамед Сејдини излезе од притвор
УНЕСКО на Охридскиот регион му даде уште една шанса, засега нема да биде впишан на црната листа
ПО НЕВРЕМЕТО ПОЧНА ПОСТАПКАТА ЗА ОБЕСШТЕТУВАЊЕ: Се бројат штетите, ќе се санира ли пустошот со пет проценти?
Партизанската печатница во Битуше го преживеа пожарот, но не и негрижата
