Зголемена е фреквенцијата на возила на патиштата низ земјава, а задржувања утрово има на граничните премини Табановце и Богородица.
Според информациите од Авто-мото сојузот на Македонија, на Табановце се чека околу 30 минути за влез во Македонија, додека на Богородица задржувањето за излез од земјава е околу половина час.
На другите гранични премини од македонска страна сообраќајот се одвива без подолги задржувања.
Сообраќајот на државните патишта се одвива по суви коловози, а интензитетот надвор од градските средини е зголемен.
АМСМ апелира возачите да ја приспособат брзината според условите на патот и да ја почитуваат сообраќајната сигнализација. Поголемо внимание се препорачува на патиштата низ котлините, речните долини и клисурите поради можноста за одрони.
Како делници на кои е потребна дополнителна внимателност се посочуваат Катланово – Велес, Маврово – Дебар – Струга, Виница – Берово и Кочани – Делчево.
ИЗДВОЕНИ
Празни ходници, а во „Мој термин“ нема слободен преглед
АЛАРМ ЗА НАМАЛЕНИОТ НАТАЛИТЕТ ВО МАКЕДОНИЈА: Демографијата тоне, мерките уште се „раѓаат“!
По пишувањето на ВЕЧЕР: Народниот правобранител бара гостиварци да не плаќаат за загадената вода
Европа со „минималци“ над 2.000 евра, Македонија на дното од листата
