Утре Македонија влегува во портокалова фаза: Викеднов се очекуваат температури до 40 степени, а трендот на многу топло време продолжува и следната седмица

Многу топло време со високи температури и мала до умерена облачност ќе биде за време на викендот и следната седмица.

Управата за хидрометеоролошки работи на својата фејсбук станица објави дека утре ќе биде активно портокалово ниво на опасност од високи температури.

Попладне ќе има локален развој на нестабилност со краткотраен пороен дожд и ретки грмежи.

Температурите ќе се движат од 15 степени наутро до 40 степени во текот на денотво јужниот дел од земјава.