Киев со нова тактика: Се подготовува на „План Б“ за Днепар/видео

Украинскиот министер за обнова, инфраструктура и транспорт, Микола Калашник, денес дека украинските власти планираат следната недела да започнат со изградба на алтернативни премини преку реката Днепар во Киев, а истовремено разгледуваат и можност за изградба на тунел под реката.

Највисок приоритет на Министерството е зајакнување на постоечката мостовска инфраструктура и нејзина заштита од напади со цел да се зголеми отпорноста на мостовите, изјави Калашник за украинскиот јавен сервис „Суспільне“ (Suspilne).

Тој истакна дека моментално се разгледува брзо решение за поврзување на левиот и десниот брег на Киев во случај на оштетување на мостовите – конкретно, изградба на насипи со понтонски премини кои би овозможиле продолжување на сообраќајот преку Днепар.

„Решенијата за итни случаи вклучуваат насипи и понтонски премини, кои можат брзо да се изградат. Таа работа веќе е започната. Одржан е координативен состанок со претседателот и ги добивме нашите задачи со оглед на критичната природа на ситуацијата. Градот претходно не се справуваше самостојно со ова, па сега е одлучено Министерството, Агенцијата за обнова и војската заедно со градските власти да работат на ова прашање“, рече Калашник.

Според него, изградбата на вакви премини би можела да трае до три месеци, а конструкциите треба да обезбедат најмалку половина од капацитетот на постоечките мостови. „Во тек се подготвителни работи, а изградбата треба наскоро да започне. Ќе се искористи целата достапна инфраструктура за да се обезбеди максимален капацитет. Во просек, околу 600.000 возила дневно минуваат преку мостовите што ги поврзуваат левиот и десниот брег. Целта е да се задржи овој капацитет. Соодветно на тоа, веќе се одредени конкретни локации за почеток на изградбата“, рече Калашник.

Тој додаде дека веќе се избрани градилиштата и дека вакви проекти се планираат не само за Киев, туку и за други делови на Украина и други реки, надвор од Днепар. Министерството разгледува и други опции, вклучително и изградба на монтажни бетонски конструкции и, на долг рок, тунели под Днепар. Сепак, таквите проекти би можеле да чинат десетици милијарди гривни, што значи дека нивната реализација би била можна само со поддршка од меѓународни партнери.

Плановите за алтернативни премини се надоврзуваат на неодамнешните руски напади врз мостовската инфраструктура во Украина. Овие напади повторно ја разгореа загриженоста за безбедноста на клучните транспортни врски, поттикнувајќи ги украинските власти да разгледаат алтернативни начини за поврзување на левиот и десниот брег на Днепар, во случај постоечките мостови да бидат оштетени.

Руските напади врз мостовите во Киев започнаа на 1 октомври, кога Јужниот мост преку Днепар беше погоден повеќепати. Во нападите беа оштетени делови од конструкцијата, коловозот, заштитните огради и бетонската безбедносна бариера што ја штити линијата на метрото, што доведе до прекин на сообраќајот преку мостот. Нападите продолжија и следниот ден, а на 3 октомври беше погоден и Северниот мост. При ударот беа оштетени коловозот и надземните тролејбуски водови, што резултираше со нови ограничувања во сообраќајот. Според градските власти, нападите врз мостовите предизвикаа сериозни пречки во сообраќајот и големи застои низ целиот Киев.

Поради повеќекратните напади и привременото затворање на одредени премини, властите мораа да воведат нови сообраќајни правила за преминување преку Днепар, додека граѓаните беа принудени да користат алтернативни правци. Бидејќи мостовите претставуваат витална врска меѓу левиот и десниот брег на главниот град, нападите покажаа до кој степен нивната долготрајна онеспособеност би можела да го наруши секојдневниот живот во градот, пренесува „Танјуг“.

🇷🇺⚔️🇺🇦 Russian jet drone hits Kyiv’s North Bridge; Ukraine suspects hidden radio relays are steering Shaheds in real time

A Russian jet-powered drone hit Kyiv’s North Bridge on the morning of Oct. 3, Mayor Vitali Klitschko said, injuring two people and forcing changes to trolleybus routes. It follows at least four attacks on the South Bridge over the Dnipro on Oct. 1 and 2, which closed that crossing. Overnight, Russian drones also hit a logistics center near the capital, and Moldova reported several Russian attack drones violating its airspace before exploding. Reported by Bloomberg, bne IntelliNews and Mezha.

Serhii “Flash” Beskrestnov, an adviser to the Ukrainian presidency on defense technology, said Russia may have placed one to three covert ground-based mesh repeaters in Kyiv, switched on briefly to give Shahed drones a control channel and let operators adjust their course just before impact. He pointed to the precision of the bridge and air-defense strikes as indicators, and said specialists examining downed-drone wreckage have not yet found onboard communication modules that would definitively prove real-time piloting.

Hitting a bridge pier or stay cable accurately is hard without fine control near the target. Ukraine’s air force said 47 of 108 attack drones launched overnight into Oct. 2 were jet-powered, and that its interceptors struggle against them. Footage of Kyiv’s bridges being hit circulates from several days; check which bridge and date before sharing.

If the relay theory is right, the fight shifts from shooting drones to hunting radio emitters in a city of three million, a much harder problem. If it is wrong, the bridge hits point to guidance that has simply improved. Either way, Russia is now targeting the crossings that connect Kyiv’s two banks, a direct strike on the capital’s mobility and logistics.

Sources: Bloomberg; bne IntelliNews; Mezha; Kyiv Post; UA News.

— 🔥🗞The Informant (@theinformant_x) October 3, 2026