Американскиот претседател Доналд Трамп изјави дека ќе го продолжи прекинот на огнот со Иран сè додека Техеран не поднесе предлог за траен крај на конфликтот.
„Врз основа на фактот дека иранската влада е сериозно поделена, што не е неочекувано, и на барање на фелдмаршалот Асим Мунир и пакистанскиот премиер Шехбаз Шариф, од нас е побарано да го одложиме нападот врз Иран сè додека нивните лидери и претставници не излезат со унифициран предлог“, напиша Трамп на социјалната мрежа Truth Social.
Тој додаде дека ѝ наредил на американската војска „да ја продолжи блокадата и во секој друг поглед да остане подготвена и способна“.
Прекинот на огнот, кој требаше да истече во наредните часови, „затоа ќе биде продолжен сè додека не се поднесе нивниот предлог и не се завршат преговорите, на еден или друг начин“, рече тој.
Ова е голем пресврт во споредба со неговите претходни изјави денес. Трамп претходно денес изјави дека наместо прекин на огнот продолжувањето на бомбардирањето е подобра опција.
ИЗДВОЕНИ
ЖИВОТНИ ПАТОКАЗИ, ЗОРАН КРСТЕВСКИ: Лек за душевно страдање
ПРЕСАДЕНИТЕ СРЦЕ И БУБРЕГ СПАСИЈА ДВА ЖИВОТА: Хуман чин на скопско семејство ја врати надежта во силата на дарувањето на органите
Коњско и Голем Град – дијалози со езерото што чува спомени и со островот што зборува со векови
Концерт на Јован Јованов и Елвир Мекиќ: Сензацијата во бело ја разбуди носталгијата на една генерација/ФОТОГАЛЕРИЈА
