ЈП ПОЦ одбележува две децении постоење

По повод одбележувањето на 20.годишнината од основањето на ЈП „Паркинзи на Општина Центар“ (ЈП ПОЦ), денес во просториите на претпријатието актуелниот директор, Душко Коцевски одржа средбна  со поранешните директори: Тодор Делјановски, Вангел Андрески, Саша Богдановиќ и Васко Кичевски.

Од претпријатието соопштија дека средбата билае можност за размена на искуства и сеќавања, како и за разговор за развојот на претпријатието, предизвиците со кои се соочувало во различни периоди и промените и достигнувањата во изминатите две децении. Оттаму додаваат дека со оваа средба воедно започнале и подготовките за одбележување на значајниот јубилеј.

-Дваесет години се значаен период во кој претпријатието поминало низ многу промени и предизвици. Денешната средба беше убава можност да се потсетиме на почетоците, да размениме искуства и да им оддадеме признание на сите кои низ годините придонеле за развојот на ЈП ПОЦ. Секој период оставил свој белег, а наша задача е да го продолжиме тој развој и да обезбедиме уште подобри услуги за граѓаните  – истакна Коцевски.

Како дел од јубилејните активности, предвидена е изработка на публикација посветена на 20-годишнината, која ќе го документира развојот на претпријатието низ годините и ќе содржи сведоштва, искуства и сеќавања од луѓето кои во различни периоди биле дел од неговото раководење и развој.