Иран не е подготвен да одржи нова рунда разговори тет-а-тет со американски претставници, изјави вчера иранскиот заменик-министер за надворешни работи Саид Хатибзаде, велејќи дека Иран нема намера да го предаде сопствениот збогатен ураниум на САД.
„Можам да ви кажам дека нема да биде испорачан никаков збогатен ураниум на САД. Тоа не е можно. Ве уверувам дека иако сме подготвени да се справиме со сè што е на маса, нема да прифатиме работи што се непотребни“, рече тој, пренесе АП.
Тој рече дека имало многу размена на пораки и ставови меѓу двете страни и додаде дека САД остануваат цврсти во барањата што Иран ги смета за претерани.
„Сè уште не сме до точка каде што можеме да преминеме на вистински состанок бидејќи има прашања за кои Американците сè уште не го напуштиле својот максималистички став“, рече Хатибзаде, додавајќи дека Иран побарал да се финализира „рамковен договор“ пред да се премине на состанок тет-а-тет.
Претходно вчера, американскиот претседател Доналд Трамп изјави дека во Иран „се прават малку паметни, како што прават веќе 47 години“, но дека „се водат многу добри разговори“ за прекин на конфликтот на Блискиот Исток.
ИЗДВОЕНИ
КОЛУМНА, ЗВОНКО ДАВИДОВИЌ: Судството како партиски реверс и обвинителството како немо сведоштво
Кандидатите за членство во Унијата ќе се доближуваат преку системот на „градежни блокови“: Макрон и Мицкоски на маса – Европа со нова понуда за Балканот
Агенциите бараат доплата по 20 евра од патник поради поскапите авионски карти
Факултетот за арт и дизајн – 20 години посветеност, знаење, визија и слободно креативно изразување!
