Две лица се уапсени поради голем пожар што избувна во грчкиот регион Беотија и се прошири на Атика, соопшти денес грчката Дирекција за борба против подметнувања на пожар.
Електроинженерот кој го потпишал проектот и ги надгледувал работите, како и изведувачот одговорен за изградба на мрежата за пренос на електрична енергија од ветерни турбини до главната електрична мрежа, се уапсени, објавува „Катимерини“.
Истрагата утврдила дека се случиле осцилации во спроводниците на приватна мрежа за пренос на електрична енергија, што предизвикало искри. Искрите паднале на земја и предизвикале пожар кој потоа се проширил на поширокото подрачје на Беотија и Атика.
Истражителите извршиле увиди на лице место, интервјуирале сведоци, собрале материјални докази и анализирале видео снимки, по што истрагата се фокусирала на лицата одговорни за проектирањето, изградбата, надзорот и работењето на мрежата.
Против двајцата уапсени е поднесена кривична пријава за подметнување на пожар со можна намера, што се третира како сериозно кривично дело според грчкиот закон.
Во случајот е опфатен и сопственикот на компанијата што управува со ветерните турбини, по кого полицијата трагаше по итна постапка, но не беше пронајден. Уапсените ќе бидат изведени во надлежното обвинителство.
ИЗДВОЕНИ
Мицкоски: Сме победувале секогаш кога сме биле обединети околу голема цел, има работи кои се поголеми од секоја партија, функција, сечиј мандат
МАКЕДОНСКИТЕ РЕВОЛУЦИОНЕРИ, НА ПАТОТ ДО ИЛИНДЕНСКОТО ВОСТАНИЕ, НЕ ВОЈУВАЛЕ САМО СО ОРУЖЈЕ: И со тајните шифри на ВМРО и на Гоце Делчев се испишуваше патот кон слободна татковина
Од Крушево до Прохор Пчински – Македонија ги одбележува двата Илиндена, најзначајни настани за македонската државност
„Сага за летот на Илинденка“ ја оживеа заборавената историја на македонското воздухопловство
