Најмалку три лица се убиени, а две се ранети во пукање во Ајдахо, објави денес локалната полиција и потврди дека осомничениот за пукањето е убиен за време на полициска интервенција.
Пукањето се случило во саботата во ресторанот „In-N-Out“ во градот Твин Фолс, Ајдахо, соопштија властите, пренесува „Ен-би-си њуз“.
– Најмалку две лица се повредени во насилниот инцидент, но тој број може да се зголеми – изјави портпаролот на Твин Фолс, Џош Палмер.
Шефот на полицијата на Твин Фолс, Метју Хикс, изјави дека осомничениот стрелец е убиен за време на полициска операција, но не е јасно дали осомничениот е една од трите потврдени жртви.
„Идентитетот на осомничениот и можниот мотив за пукањето сè уште се утврдуваат. Веруваме дека заканата за нашата заедница поминала“, рече Хикс на прес-конференција.
Полициските службеници одговорија на пријавите за пукање околу 14:30 часот по локално време во близина на ресторанот „Ин-Н-Аут“ на Северниот булевар „Блу Лејкс“, потврди локалната полиција.
ИЗДВОЕНИ
Мицкоски: Сме победувале секогаш кога сме биле обединети околу голема цел, има работи кои се поголеми од секоја партија, функција, сечиј мандат
МАКЕДОНСКИТЕ РЕВОЛУЦИОНЕРИ, НА ПАТОТ ДО ИЛИНДЕНСКОТО ВОСТАНИЕ, НЕ ВОЈУВАЛЕ САМО СО ОРУЖЈЕ: И со тајните шифри на ВМРО и на Гоце Делчев се испишуваше патот кон слободна татковина
Од Крушево до Прохор Пчински – Македонија ги одбележува двата Илиндена, најзначајни настани за македонската државност
„Сага за летот на Илинденка“ ја оживеа заборавената историја на македонското воздухопловство
