За време на комеморативната служба за жртвите од масовното пукање во основното училиште „Владислав Рибникар“ во Белград, денес беа фрлени пиротехнички средства кон толпата. Инцидентот се случил додека голема толпа се собрала пред училиштето за да им оддаде почит на жртвите на третата годишнина од трагедијата, предизвикувајќи кратка паника и хаос, објавуви „Нова.рс“.
Откако беа фрлени огнометите, паника ја зафати толпата. Полицијата пристигнала на местото на настанот и влегла во зградата од која била фрлена направата. „Сите стоеле во мир и тишина. Тие положиле цвеќе пред училиштето за убиените деца и за училишниот обезбедувач. Тишината била прекината од силен тресок.
Чад се издигнал над групата што стоела во ред за да положи цвеќе, во најгустиот дел од толпата. Сите веднаш се вознемирија“, објавува репортер на Nova.rs од местото на настанот. Денес се навршуваат три години од трагедијата во основното училиште „Владислав Рибникар“, кога ученикот Коста К. уби девет соученици и еден обезбедувач.
Инаку, во тоа време, Коста К., ученик во седмо одделение во основното училиште „Владислав Рибникар“ во Белград, пукал со пиштол кон обезбедувањето на училиштето, еден наставник и учениците. Осум ученици и еден обезбедувач биле убиени на самото место, додека тешко повреденото девојче Ангелина Аќимовиќ подоцна им подлегнала на повредите. Малолетникот сам се јавил во полиција и се предал.
