Грција удри по „дивите“ плажи: Казни до 73.000 евра, дронови и масовни контроли!

Грчките власти започнаа голема акција за заштита на плажите и обезбедување слободен пристап за граѓаните и туристите.

Досега се извршени повеќе од 1.500 инспекции на над 300 плажи и околу 450 бизниси низ целата земја.

Контролите се спроведуваат и со помош на дронови и современи технологии, со кои властите полесно откриваат нелегално заземање на плажите.

Во акцијата учествуваат и Универзитетот на Егејот, локалните служби и апликацијата „MyCoast“, преку која граѓаните можат да пријавуваат неправилности.

Најмногу пријави пристигнале од Халкидики, источна Атика, Кикладите, Додеканезите и Кавала.

Најчестите прекршоци се поставување лежалки и чадори без дозвола, зафаќање поголем простор од дозволениот и попречување на слободниот пристап до плажите.

На Родос една компанија добила огромна казна од 73.000 евра.

На Халкидики пет компании добиле итни налози за отстранување на незаконски поставената опрема и затворање.

Во Кавала компанија без концесија била казнета со 15.912 евра, додека на Закинтос четири компании добиле казни од по 2.000 евра.

Грција оваа сезона склучила повеќе од 8.000 договори за концесија за користење плажи.

Од нив, 4.870 се потпишани директно со соседни компании, а околу 3.130 се доделени преку електронски аукции.

Властите најавуваат дека контролите ќе продолжат и во следниот период.