Словачкиот премиер Роберт Фицо денеска повика на отстранување на навредлива статуа на американскиот претседател Доналд Трамп од Европскиот парламент, опишувајќи ја како знак за опаѓањето на целата Европска унија.
„Исмејувачката статуа на американскиот претседател Доналд Трамп, поставена во просториите на Европскиот парламент, е знак за опаѓањето на целата ЕУ. Не се согласувам со сите политики на американскиот претседател – далеку од тоа. Но, во време што бара дијалог и меѓусебно почитување, навредувањето на нашите партнери во официјални простории покажува длабоко неразбирање на времето во кое живееме“, изјави Фицо во објава на социјалната мрежа „Икс“.
Според него, „тажно е што раководството на Европскиот парламент, во своето слепило, повеќе не може да направи разлика помеѓу легитимното право на спротивно мислење и постапките на духовно банкротирани поединци, авантуристи и лудаци“.
A STATUE OF DONALD TRUMP IN THE EUROPEAN PARLIAMENT IS A SIGN OF THE DECLINE OF THE ENTIRE EUROPEAN UNION
The mocking statue of US President Donald Trump displayed on the premises of the European Parliament is a sign of the decline of the entire EU. I do not agree with all of the American president’s policies, not by a long shot. But at a time that calls for dialogue and mutual respect, insulting our partners on official premises demonstrates a profound failure to understand the times we live in. It is sad that the leadership of the European Parliament, in its blindness, can no longer distinguish between the legitimate right to hold a different opinion and the actions of spiritually bankrupt individuals, adventurers and lunatics.
Would the leadership of the European Parliament agree to the display of mocking depictions of the French president or the German federal chancellor? Since the answer to this question is perfectly obvious, I expect the President of the European Parliament to immediately remove the offensive depiction of the American president from the premises of the European Parliament.
— Robert Fico 🇸🇰 (@RobertFicoSVK) October 8, 2026
„Дали раководството на Европскиот парламент би се согласило да се изложат исмејувачки прикази на францускиот претседател или на германскиот канцелар? Бидејќи одговорот на ова прашање е сосема очигледен, очекувам претседателот на Европскиот парламент веднаш да го отстрани навредливиот приказ на американскиот претседател од просториите на Европскиот парламент“, заклучи Фицо. Скулптурата насловена „Портокалова чума“ беше откриена во вторникот од данскиот уметник Јенс Галсхиот пред зградата на Парламентот во Стразбур. Делото прикажува гол, позлатен Трамп како седи на рамениците на помал човек, држејќи палка за голф и вага на правдата. Покрај статуата се поставени картички со коментар дека „кралот на неправдата седи на грбот на човек кој тоне под тежината“, пренесува „Танјуг“.
