Европа дури и не знае колку има гориво: Што ќе се случи по јуни е тешко да се предвиди!

Додека авиокомпаниите ги приземјуваат авионите, а претставниците ги повикуваат граѓаните да го намалат патувањето до работа, европските планови за спречување на недостигот предизвикан од војната во Иран се соочуваат со неочекувана пречка – никој не знае колку гориво всушност има континентот.

Стравот од недостиг расте побрзо од способноста на ЕУ да ги процени реалните залихи, а војната во Иран веќе ги зголеми сметките за фосилни горива во Европа и се закани со прекин на залихите преку Ормускиот теснец.

Претседателката на Европската комисија, Урсула фон дер Лајен, изјави дека конфликтот ја чини ЕУ речиси 500 милиони евра дневно во повисоки цени на енергијата, додека американскиот претседател Доналд Трамп нареди подготовки за долгорочна блокада на Иран, што би можело дополнително да ги наруши глобалните енергетски пазари, пишува Политико.

„Имаме јасен преглед и обврски за мај и јуни во Европа, но што ќе се случи потоа е тешко да се предвиди“, рече Тобијас Мејер, извршен директор на DHL Group.

„Стратешки резерви постојат, но немаме вистински увид во тоа колку е повлечено“, додаде тој.