Европа денес ќе ја затвори славината за рускиот гас: Стапи во сила забраната за увоз на руски течен природен гас – Путин подготвува голем одговор, ова се деталите

Забраната за увоз на руски течен природен гас (LNG) во Европската Унија (ЕУ) по краткорочни договори стапи на сила денес, со значително намалување на испораките што се очекува до 2027 година, објави „Спутник“.

На 26 јануари, Советот на Европската Унија одобри целосна забрана за снабдување со руски течен природен гас во ЕУ од 1 јануари 2027 година, како и забрана за увоз на гас од цевководи од 30 септември истата година, додека краткорочните договори за снабдување со гас од цевководи мора да бидат раскинати до 17 јуни 2026 година.

Според проценките на руските медиуми, во 2025 година Русија беше на второ место, по САД, по вредноста на извозот на течен природен гас во Европа, со учество од 16,1%.

Вкупните испораки на руски гас во Европа во 2025 година изнесуваа 38 милијарди кубни метри, од кои повеќе од 20 милијарди кубни метри беа течен природен гас.

Путин: Влегуваме на други пазари
Рускиот претседател Владимир Путин претходно изјави дека, со оглед на планот на Европската Унија целосно да се откаже од рускиот гас, Русија би можела да размисли за рано излегување од европскиот пазар и да ги пренасочи испораките кон други купувачи.