Комитетот на постојаните претставници на ЕУ (Корепер) денес ја одобри Одлуката на Советот на ЕУ со која се одобрува отворање на преговори за програмата на Европската Унија „Роаминг како дома“ (Roam Like at Home) во Западен Балкан, која вклучува користење на минути, пораки и интернет од тарифата без дополнителни трошоци.
Како што беше најавено, ова треба официјално да биде усвоено од Советот на ЕУ во четврток. Портпаролот на кипарското претседателство подоцна изјави дека проширувањето на областа „Roam Like at Home“ е јасен знак за посветеност кон регионот.
„Кипарското претседателство силно го поддржува европскиот пат на Западен Балкан. Проширувањето на областа Roam Like at Home е јасен знак за нашата посветеност кон регионот. Со нетрпение го очекуваме официјалното усвојување на одлуката со која се одобрува отворање на преговори за договори“, рече тој, пренесе Танјуг.
