Етна повторно еруптира! Од вулканот се слуша морничав татнеж/ВИДЕО

Етна на Сицилија повторно еруптираше, овој пат од кратерот Ворагине, објави италијанскиот Национален институт за геофизика и вулканологија (INGV). Пепел и вулкански материјал се исфрлаат од вулканот, додека облакот од пепел во моментов поради ветерот се насочува кон југ од ветерот, објавува „Катанија тудеј“.

American tourist was killed by lightning at mount Etna whilst hiking #xtmop pic.twitter.com/CegERz0OED

— Perpetual Amoh (@Perpeez) August 19, 2026

Експертите регистрираа ненадејно зголемување на вулканскиот тремор, сеизмички сигнал што може да укажува на движење на магмата кон површината. Активноста е особено изразена во областа на североисточниот кратер, на надморска височина помеѓу 1.800 и 2.000 метри.

Во исто време, татнежот што се слуша од внатрешноста на вулканот исто така се засили, наведува INGV.

📌 İtalya'nın Sicilya Adası'ndaki Etna Yanardağı'nda aktif lav akıntıları ve zirve kraterinden kül püskürmesi görüntülendi. pic.twitter.com/nN4OYilWwn

— Doğruhaber Gazetesi (@Dogruhaber_gzt) August 19, 2026

Досега нема индикации за сериозни промени на тлото. Сепак, инструментите инсталирани во повисоките делови на Етна бележат мала дефлација, односно намалување на волуменот на вулканската област. Според експертите, ова е во согласност со моменталното исфрлање на вулкански материјал и намалување на притисокот во вулканот.

Поради активноста на Етна, во моментов е на сила портокалово ниво на тревога за воздушен сообраќај, познато како VONA. Ова значи дека ерупцијата во моментов не претставува највисоко ниво на опасност за воздушниот сообраќај, но ситуацијата се следи внимателно.