Според најновите официјални податоци, граѓаните на БиХ имаат повеќе од 370.000 парчиња легално оружје, додека според некои истражувања, бројот на оружје во нелегално поседување надминува еден милион, па затоа, велат експертите, со право може да се каже дека жителите на БиХ се „вооружени до заби“.
Според претходните истражувања, проценките се дека во БиХ има помеѓу 750.000 и 800.000 парчиња оружје во нелегално поседување, додека некои покажаа дека бројот е дури и поголем од 800.000.
Во текот на 2025 година, Координативниот комитет за контрола на мало и лесно оружје во БиХ собра статистички податоци за легално регистрирано оружје во БиХ, каде што се на сила дури 12 закони за оружје.
Тие утврдиле дека во ФБиХ минатата година имало 236.844 парчиња легално оружје, во Република Српска 130.380, а во округот Брчко 4.919. Пред пет години, во 2020 година, во ФБиХ имало 182.338 регистрирани оружја, 94.653 во Република Српска и 3.828 во округот Брчко.
Според овие податоци, за пет години во БиХ, бројот на легално оружје се зголемил од 280.819 на 372.143. Според официјалните податоци, минатата година на мажи им биле регистрирани 365.679 оружја, а останатите 6.464 на жени, пренесува „Еуроњуз“.
ИЗДВОЕНИ
Нов случај на трговија со бебиња – иницијалите се повторуваат!?
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
