Една од најсмртоносните риби – која содржи токсин дури 1.250 пати посилен од цијанидот – е уловена во близина на Риека.
Ја уловил рибарот од Риека, Дражен Пушкаш; станува збор за инвазивниот вид *Lagocephalus sceleratus* (познат и како „сребренообраза риба-балон“ или *fugu*), чие ткиво содржи тетродотоксин – отров што е дури 1.250 пати посилен од цијанидот.
Рибата, тешка приближно 1,5 килограми, била уловена со помош на мамка. По консултација со други лица, Пушкаш ја предал на Природонаучниот музеј во Риека, пренесува „Нови лист“.
Овој вид риба се појавил во Јадранското Море релативно неодамна како миграторен вид. Нејзиниот токсин предизвикува парализа на мускулите, респираторна инсуфициенција и срцев застој, а највисоки концентрации се наоѓаат во јајчниците, кожата, мускулите и црниот дроб.
И покрај екстремната опасност, оваа риба во Јапонија се смета за врвен деликатес, кој го подготвуваат исклучиво специјално обучени готвачи.
Сепак, во Јапонија годишно умираат околу 200 луѓе од труење предизвикано од оваа риба.
