Австралискиот тенисер Алекс де Минор се присети на единствената средба што ја одиграл против Роже Федерер, признавајќи дека тоа било искуство кое целосно го разоткрило пред публиката – и тоа во дворот на Федерер.
Австралиецот го вкрсти рекети со Швајцарецот во финалето на АТП турнирот од серијата 500 во Базел во 2019 година, кога Федерер играше за јубилејниот, десетти трофеј пред домашната публика. Атмосферата, како што вели, јасно го наговестила епилогот од првиот момент.
„Играв против него само еднаш, во финалето во Базел. Добив лекција. Беше за десеттата титула на Роже таму. Сè беше веќе подготвено: транспаренти, огномет… Сите во Базел знаеја дека Роже ќе го добие тој натпревар. И навистина, тој ја освои таа десетта титула. Беше 6:2, 6:2. Мала лекција, полна со почит, за 57 минути. Дури и мајка ми навиваше за Роже. Тоа покажува во колку проблеми бев“, рече Де Минор.
Федерер рутински славеше таа вечер и го крена трофејот пред своите навивачи, додека Де Минор, иако свесен за силата на својот противник, почувствува какво е да се игра практично „сам против сите“.
ИЗДВОЕНИ
ПО НЕВРЕМЕТО ПОЧНА ПОСТАПКАТА ЗА ОБЕСШТЕТУВАЊЕ: Се бројат штетите, ќе се санира ли пустошот со пет проценти?
Партизанската печатница во Битуше го преживеа пожарот, но не и негрижата
Словенија дава 2.000 евра за крава, Албанија го зголемува извозот, а Македонија станува зависна од увоз
Никој не знае што јадеме и што пиеме, Гостивар ги активира контролите и пријавите
