Државниот секретар на САД, Марко Рубио, денес ѝ го честиташе Денот на независноста на Македонија и нагласи дека Вашингтон е горд што стои покрај Скопје како сигурен сојузник и партнер.
„Во име на американскиот народ, им упатувам најтопли честитки на народот на Македонија по повод 35 години независност.
Соединетите Американски Држави се горди што стојат покрај Македонија како сигурен сојузник и партнер“, се вели во честитката на Марко Рубио, објавена на веб-страницата на Стејт департментот.
Тој нагласи дека Македонија игра важна улога во зајакнувањето на безбедноста и стабилноста низ целиот регион преку нејзината посветеност на заедничка одбрана и соработка во борбата против тероризмот и напорите за сајбер безбедност.
Државниот секретар на САД го поздрави континуираниот раст на нашето економско партнерство, вклучително и преку овогодинешниот Стратешки дијалог во Вашингтон.
Заедно, ги унапредуваме можностите во енергетиката, инфраструктурата, технологијата и другите сектори за зајакнување на просперитетот во двете наши земји. Ви посакуваме среќен Ден на независноста и континуиран мир, безбедност и просперитет во годините што доаѓаат“, рече Рубио.
ИЗДВОЕНИ
Охрид ќе ги пречекува странските туристи со своето културно наследство
Трајна обврска за секоја генерација – има само една Македонија!
Статистички портрет за три и пол децении независност – економски напредок и демографски пад: Македонија се модернизира, населението се „топи“
ЖИВОТНИ ПАТОКАЗИ, ЗОРАН КРСТЕВСКИ: „Совршено“ живеење
