Бразилскиот претседател Луиз Инасио Лула да Силва освои историски, четврти мандат, соопшти изборниот суд, со што се прекинува низата изборни успеси на десничарските кандидати во Латинска Америка.
Неговиот противник, Флавио Болсонаро – син на поранешниот претседател Жаир Болсонаро – одби да го признае поразот и најави дека ќе бара поништување на резултатите, повикувајќи се на одлуката на Врховниот суд со која времето за гласање беше продолжено за два часа, пренесува Ројтерс.
Иако Болсонаро водеше во првиот круг, тој загуби во вториот круг со разлика од повеќе од четири милиони гласови. Овој исход ги вознемири бразилските финансиски пазари, кои очекуваа негова победа.
Одбивањето да се признае поразот наликува на реакцијата на неговиот татко, кој ги загуби изборите во 2022 година. Жаир Болсонаро подоцна беше осуден на 27 години затвор поради планирање државен удар во обид да остане на власт.
Аналитичарите сметаат дека значителната разлика во бројот на гласови – во комбинација со фактот дека самиот Болсонаро побарал продолжување на времето за гласање поради дожд во јужниот дел на земјата – прави поништувањето на резултатите да биде крајно неверојатно.
Марио Брага, аналитичар во консултантската куќа RANE, предупреди на можноста од протести на десничарите во наредните денови, но оцени дека е „многу малку веројатно тоа да доведе до поништување на резултатите“.
ИЗДВОЕНИ
Вучиќ призна пораз: Изгубивме!
РИМСКАТА СРЕДБА НА МИТРОПОЛИТОТ ГЕОРГИЈ СО ВСЕЛЕНСКИОТ ПАТРИЈАРХ ВАРТОЛОМЕЈ ОТВОРИ ДИЛЕМИ: Се крши ли мразот меѓу МПЦ-ОА и Вселенската патријаршија?
Синдикалната кошница ѝ избега на платата – еден минималец се троши само за храна и пијалаци
Еден час на скеле чини 150 денари, дали новиот модел ќе им ги зголеми приходите на работниците?
