Филмот на годината, „Ѓаволот носи прада 2“ конечно пристигна во кината, а со него и првите критики од светските критичари. Бидејќи ова е филм кој се чека 20 години, јасно е дека нивото е поставено екстремно високо, но се чини дека очекувањата се успешно исполнети, барем до одреден степен. Општиот консензус е јасен – филмот е добар, но веројатно нема да го постигне култниот статус на оригиналот од пред 20 години.
Мерил Стрип речиси ќе ја пропуштела една од нејзините највпечатливи улоги, онаа на Миранда Пристли во „Ѓаволот носи Прада“, бидејќи во тоа време сериозно размислувала да се повлече од актерството, објавува „Индекс.хр.
Таа го откри ова за време на промоцијата на долгоочекуваното продолжение на филмот, дваесет години по оригиналот, нагласувајќи дека овој проект ја променил нејзината перспектива за сопствената кариера.
Во гостувањето во емисијата „Денес со Џена и Шејнел“ со колешките Ен Хатавеј, Емили Блант и Стенли Тучи, актерката отворено зборуваше за процесот на преговори за филмот од 2006 година.
„Бев подготвена да се пензионирам. Ме повикаа и ми ја дадоа понудата, а јас реков: „Не, нема да го правам тоа“, се пошегува Стрип.
Кога водителката Џена Буш Хагер ја праша зошто првично ја одбила улогата, Стрип ги објасни своите тактики.
„Знаев дека ќе биде хит и сакав да видам дали можам да ја удвојам цената што ја бара“, рече таа.
Лекција за самодоверба
На нејзино изненадување, студиото веднаш ја прифати нејзината понуда.
„Тие веднаш се согласија и рекоа: „Секако“. Помислив, имам 50, 60 години и ми требаше толку долго да сфатам како можам да го направам ова“, рече добитничката на Оскар, додавајќи дека чувствувала дека им е потребна.
Таа исто така рече дека искуството било пресвртница за неа.
„Бев подготвена да се пензионирам, но тоа беше лекција“, заклучи Стрип.
Кариерата што следеше
Мерил Стрип имаше 57 години кога ја играше модната икона Миранда Пристли. Сега, 20 години подоцна, таа ја повторува улогата во продолжението, заедно со Хатавеј, Блант и Тучи.
По оригиналниот „Ѓаволот носи Прада“, нејзината кариера тргна со улоги во хитови како „Мама Миа!“ (2008), „Џули и Џулија“ (2009) и „Железната дама“ (2012), за кој го освои својот трет „Оскар“.
Нејзините понови проекти вклучуваат гласовна улога во анимираниот филм „Hoppers“, камео улога во „Project Hail Mary“ и серијата „Only Murders in the Building“.
