Таткото на Меган Маркл заврши зад решетки: Уапсен е под обвиненија поврзани со сексуална злоупотреба на деца

Томас Маркл, таткото на Меган – сопругата на британскиот принц Хари – беше уапсен во петокот наутро за време на федерална операција во Флорида, под обвиненија поврзани со материјали што прикажуваат сексуална злоупотреба на деца, изјавија за „Асошиејтед прес“ (Associated Press) извори запознаени со случајот.

Лицата кои го потврдија апсењето немаа овластување јавно да зборуваат за истрагата и дадоа изјави под услов да останат анонимни. Томас Маркл е приведен во близина на Тампа, пренесува „Си-ен-ен“.

Меган Маркл неодамна изјави дека е „длабоко потресена“ од наводите дека во поранешниот дом на нејзиниот татко била пронајдена збирка фотографии што прикажуваат сексуална злоупотреба на деца. Таа исто така откри дека во 2018 година до лондонската полиција било испратено писмо кое содржело „вознемирувачки обвинувања“ против него.

Меган, американска државјанка која глумеше во американската телевизиска серија „Suits“, се омажи за Хари во замокот Виндзор во 2018 година. Тие имаат две деца, принцот Арчи и принцезата Лилибет. Нејзиниот татко, пензиониран директор за осветлување и фотографија на телевизија, не присуствуваше на свадбата, што предизвика голем интерес во британските медиуми во врска со нејзината оддалеченост од него. Меган изјави дека одлучила да се дистанцира од него за да ги заштити своите деца, пренесува „Си-ен-ен“.