Додека Германија реди победи на Светското првенство, зад кулисите се создава сериозна тензија која го потресе таборот на „панцерите“. Во центарот на вниманието не е ниту еден фудбалер, туку Лена Вурценбергер, партнерката на селекторот Јулијан Нагелсман, чие постојано присуство предизвика незадоволство кај репрезентативците.
Според германските медиуми, Лена е речиси постојано со тимот и има пристап каков што немаат ниту семејствата на играчите. Наводно, таа присуствува на тренинзи, престојува во хотелот на репрезентацијата и често е во близина на фудбалерите, што создава чувство на непријатност во соблекувалната.
Извори блиски до националниот тим тврдат дека играчите се чувствуваат ограничено и не можат слободно да разговараат за тактики, натпревари или за самиот селектор додека неговата партнерка е во нивна близина.
Ситуацијата дополнително ја вжешти легендарниот Лотар Матеус, кој јавно го критикуваше Нагелсман. Тој порача дека правилата мора да важат за сите подеднакво и дека никој не смее да има посебен третман во текот на едно големо натпреварување.
Иако Германија засега победува на теренот, атмосферата во репрезентацијата е далеку од идеална. Доколку резултатите тргнат во погрешна насока, притисокот врз Нагелсман и неговата партнерка би можел дополнително да експлодира.
ИЗДВОЕНИ
ДВЕ ГОДИНИ ОД ВЛАДАТА НА ПРЕМИЕРОТ ХРИСТИЈАН МИЦКОСКИ, АНАЛИТИЧАРИТЕ ОЦЕНУВААТ: Половина мандат, половични оцени – најсериозните предизвици остануваат
Секој ден по две повреди на работното место, градежништвото останува најсмртоносно
Инспекторите им дишат во врат, Мицкоски им се закани со казни, ќе ги намалат ли цените маркетите?
Дизелот ќe поевтини за 7 денари, бензините до 4 денари по литар – Македонија со најевтини горива од соседите
