вторник, ноември 17, 2026
Дома БАЛКАН Девет лица се уапсени под сомнение за воени злосторства на северот во...

Девет лица се уапсени под сомнение за воени злосторства на северот во Косово

81

Девет лица се уапсени во северно Косово под сомнение за извршување воени злосторства, потврдено е за приштинската телевизија  „Клан Косова“. Обвинителството соопшти дека Дирекцијата за истрага на воени злосторства – поддржана од други специјализирани полициски единици и постапувајќи по налог на Специјалното обвинителство на Косово – рано утринава спровела операција со кодно име „Досие 23“ во општина Зубин Поток.

Полициската операција е поврзана со случајот познат како „Група на интелектуалци“, а Специјалното обвинителство и Косовската полиција ќе ја информираат јавноста за дополнителни детали во врска со операцијата и преземените дејствија.

Ископувањата спроведени кон крајот на јуни и почетокот на август во близина на селата Мала Калудра и Јабука во општина Зубин Поток доведоа до откривање на посмртните останки на 23 лица кои припаѓале на таканаречената „Група на интелектуалци“.

ДНК-анализата на три комплети посмртни останки, завршена во Хаг, потврди дека тие им припаѓале на членови на „Групата на интелектуалци“ кои исчезнале на 19 април 1999 година.

ИЗДВОЕНИ